ქართველი მორაგბეები სამშობლოში დაბრუნდნენ. რუმინეთში გამარჯვების შემდეგ, ბორჯღალოსნებს თბილისის საერთაშორისო აეროპორტში გულშემატკივარებმა საგანგებო დახვედრა მოუწყვეს. ქართველმა სპორტსმენებმა ევროპის ჩემპიონატის ფინალურ შეხვედრაში რუმინეთი 15:6 დაამარცხეს. საქართველოს ნაკრებმა "რაგბი ევროპის ჩემპიონატი" დაუმარცხებლად დაასრულა. ამჟამად გუნდი მსოფლიო თასის მოპოვებისთვის იწყებს მზადებას.
