ლონდონი რუსულ ჯაშუშურ ქსელთან ბრძოლას ააქტიურებს. სათანადო განკარგულება ბრიტანეთის პრემიერ-მინისტრმა გასცა. კემერონისგან ბრიტანეთის ძალოვანმა უწყებებმა რუსეთის მხრიდან ქვეყნის საჰაერო სივრცის დარღვევის ფაქტებზე რეაგირებისა და უსაფრთხოების ზომების გამკაცრების განკარგულებაც მიიღეს. გავრცელებული ინფორმაციით, რუსეთის ჯაშუშური ქსელის საქმიანობის საპრევენციოდ სპეცსამსახურებში რუსული ენის მცოდნე აგენტები აჰყავთ. ასევე დაიწყო რუსულენოვანი სატელეფონო საუბრების მოსმენაც.
