ყოფილი საგარეო საქმეთა მინისტრი სალომე ზურაბიშვილი პარლამნეტის თავმჯდომარეს დავით უსუფაშვილს შეხვდა და საზღვარგარეთ მცხოვრები ქართველების მოქალაქეობასთან დაკავშირებულ პრობლემებზე ესაუბრა. როგორც შეხვედრის შემდეგ ჟურნალისტებთან ზურაბიშვილმა განაცხადა მოქმედი კანონმდებლობით, საზღვარგარეთ მცხოვრები ქართველები უცხო ქვეყნის მოქალაქეობის მიღებით ავტომატურად კარგავენ საქართველოს მოქალაქეობას რაც ბევრი ქართველისთვის პრობლემას წარმოადგენს.
,,დღეს ვინც იღებს სხვა ქვეყნის მოქალაქეობას, ის კარგავს და ართმევენ საქართველოს მოქალაქეობას, რაც ამ ქვეყნისთვის სასარგებლო არ არის” _აღნიშნა ზურაბიშვილმა.
შეხვედრაზე გადაწყდა, რომ მარტში შეიქმნება სპეციალური ჯგუფი, რომელიც აღნიშნულ პრობლემასთან დაკავშირებით იმუშავებს. ხოლო კონკრეტული წინადადებები, სავარაუდოდ, მაისში დაიდება.
