პრემიერი ირაკლი ღარიბაშვილი აჭარის უმაღლეს საბჭოში მიმდინარე პროცესებს ეხმიანება და აცხადებს, რომ ვითარება კონტროლს ექვემდებარება. თუმცა ღარიბაშვილი განმარატავს, რომ ხელისუფლებას იქ მიმდინარე პროცესებზე მკაცრი რეაგირება ექნება.
,,სამწუხაროდ, ეს არის ჩვენი გუნდის ყოფილი წევრების მიერ დაგეგმილი პროვოკაცია. ისინი "ნაციონალურ მოძრაობას" გაურიგდნენ, მაგრამ იქ არაფერი განსაკუთრებული არ ხდება. სიტუაცია კონტროლის ქვეშაა. ის, რომ ორმა, სამმა ასე ვთქვათ დეპუტატმა მოღალატეობრივად დატოვა ჩვენი გუნდი და გაურიგდა "ნაციონალურ მოძრაობას", ეს მათი არჩევანია, ჩვენ ამაზე ძალიან მკაცრი რეაგირება გვექნება", - განაცხადა ირაკლი ღარიბაშვილმა.
შეგახსენებთ, რომ გუშინ აჭარის უმაღლესი საბჭოს ვიცე-სპიკერი დავით ბაციკაძე და საფინანსო და ეკონომიკურ საკითხთა კომისიის ხელმძღვანელი ალექსანდრე ჩიტიშვილი თანამდებობიდან გადააყენეს.