რუსეთის მიმართ ნდობა დღეს უფრო ნაკლებია, ვიდრე საბჭოთა კავშირის პერიოდში იყო. ამის შესახებ ნატოს გენერალური მდივნის მოადგილემ ალექსანდრ ვერშბოუმ ოსლოში ლენგკოლენის კონფერენციაზე გამოსვლისას განაცხადა.
"უკრაინის კრიზისამდეც კი რუსეთის სამხედრო სფერო არ იყო გამჭვირვალე, არ სრულდებოდა ჩვეულებრივი შეიარაღების შესახებ შეთანხმება და სხვა ინიციატივები. დღეს კი რუსეთის მიმართ ნდობა უკრო ნაკლებია, ვიდრე საბჭოთა პერიოდში იყო. რუსეთი ნატოს საფრთხედ განიხილავს, რისი საფუძველიც არ აქვს, თუმცა ალიანსი არ ცდილობს მოსკოვთან კონფრონტაციას და რუსეთში პოლიტიკური რეჟიმის შეცვლასაც არ გეგმავს,"-აღნიშნა ვერშბოუმ.