,,თავისუფალი დემოკრატების" ერთ-ერთი ლიდერი ალექსი პეტრიაშვილი ,,ჯი-ეიჩ-ენთან" საუბარში აცხადებს, რომ შს ახალ მინისტრს ვახტანგ გომელაურს რამდენიმე მნიშვნელოვანი ამოცანის შესრულება მოუწევს. როგორც პეტრიაშვილი აცხადებს, გომელაურს საკმაოდ რთულ პერიოდში მოუწევს ძალოვანი უწყების ხელმძღვანელობა.
,,ვახტანგ გომელაურს ურთულეს პერიოდში მოუწევს შსს ხელმძღვანელობა. Mმას რამდენიმე უმნიშვნელოვანესი ამოცანა აქვს შესასრულებელი. Pპირველი და უმთავრესი ეს არის ქვეყანაში კრიმინოგენური ვითარების ნორმალიზება, მეორე, ეს არის ის რეფორმა, რომელიც შსს აუცილებლად უნდა განხორციელდეს და გულისხმობს უწყებაში უფლებამოსილების გაყოფას. დიდი მნიშვნელობა ექნება რამდენად სწრაფად და ეფექტურად განხორცილდება რეფორმა ზოგადად ქვეყნის დემოკრატიული განვითარებისთვის. Mმესამე და არანაკლებ მნიშვნელოვანი ამოცანა იქნება უწყების დეპოლიტიზაცია, რათა შსს რეალურად კონცენტრირებული იყოს ქვეყნის წინაშე არსებულ საგარეო გამოწვევებზე, შიდა უსაფრთხოების საკითხებზე და სამუდამოდ დასრულდეს უწყების ცალკეული სტრუქტურების პოლიტიკურ პროცესებში ჩარევის მცდელობები", -განაცხადა პეტრიაშვილმა.
პეტრიაშვილმა გომელაუარს არსებულ გამოწვევებთან ბრძოლაში წარმატება უსურვა.
,,პიროვნულად ვიცნობ გომელაურს და მინდა მხოლოდ წარმატება ვუსურვო. თუმცა რამდენად შეძლებს არ მოექცეს გავლენების ქვეშ, იყოს დამოუკიდებელი და წამატებული ყველა დასახული ამოცანის განხორციელებაში, ამას დრო გვიჩვენებს", -განაცხადა ,,ჯი-ეიჩ-ენთან" საუბარში პეტრიაშვილმა.
შს მინისტრი ვახტანგ გომელაური იქნება. ძალოვანი უწყების ახალი ხელმძღვანელი პრემიერმა ირაკლი ღარიბაშვილმა მთავრობის ადმინისტრაციაში ჟურნალისტებს თავად წარუდგინა
