,,ლეიბორისტული პარტიის" ლიდერი შალვა ნათელაშვილმა სოფელ ყარაფილაში იმყოფებოდა, სადაც იური ვაზაგაშვილის დაკრძალვის ცერემონიალზე დასასწრებად ჩავიდა.როგორც ნათელაშვილი აცხადებს,იური ვაზაგაშვილის მკვლელობაში პოლიტიკური პასუხისმგებლობა ყოფილ პრემიერ ბიძინა ივანიშვილს ეკისრება.
,,მომხდარზე პოლიტიკური პასუხისმგებლობა ეკისრება რეჟიმის მეთაურს ბიძინა ივანიშვილს რომელიც როცა სჭირდებოდა შვილმოკლულ მშობლებს დაჰპირდა სამართლიაბობის აღდგენას და საქმის გახსნას. ხელისუფლებაში მოსვლის შემდეგ ეს აღარ გახსენებია სანამ კაცი არ დააკლეს საკუთარი შვილის საფლავზე და ახლა ღვრის ნიანგის ცრემლებს. მიმაჩნია, რომ ჭიკაიძის გადადგომა საშველი არაა და უნდა დაგეს მთელი მთავრობა", _აცხადებს ნათელაშვილი.
დღეს, 25 იანვარს იური ვაზაგაშვილს კასპის რაიონის სოფელ ყარაფილაში დაკრძალავენ. გუშინ კი ვაზაგაშვილის ცხედარი სამების საკათედრო ტაძარში იყო დასვენებული, სადაც საქართველოს კათოლიკოს-პატრიარქმა უწმინდესმა და უნეტარესმა ილია მეორემ პანაშვიდი გადაუხადა.
სამბის ტაძარში ასევე იმყოფებოდნენ, მთავრობის წევრები და ყოფილი პრემიერ-მინისტრი ბიძინა ივანიშვილი, რომელმაც ვაზაგაშვილის ოჯახს მიუსამძიმრა.
შეგახსენებთ, რომ იური ვაზაგაშვილი 20 იანვარს, შვილის, ზურაბ ვაზაგაშვილის საფლავზე გარდაცვლილი იპოვნეს. ის აფეთქების შედეგად დაიღუპა. აღნიშნულ ფაქტთან დაკავშირებით მთავარმა პროკურატურამ გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.
იური ვაზაგაშვილი წლების მანძილზე ითხოვდა 2006 წელს, სპეცოპერაციის შედეგად დაღუპული შვილის, ზურაბ ვაზაგაშვილის საქმის გამოძიებას, რომელიც ამ დრომდე არ არის დასრულებული.
