აფხაზეთის ავტონომიური რესპუბლიკის მთავრობის თავმჯდომარე, ვახტანგ ყოლბაია, რუსეთის საკანონმდებლო ორგანოში დაგეგმილ ე.წ. ინტეგრაციის ხელშეკრულების რატიფიკაციას ეხმიანება და განმარტავს, რომ არსებულ ვითარებაში მთავარი სიმშვიდის შენარჩუნებაა.
,,ამაში ახალი არაფერი არ არის, რადგან ეს ეგრეთ წოდებული პროცედურა გრძელდება. მთავარია, ჩვენ საკითხი არ ავიყვანოთ იმ რანგში, რომ მოვექცეთ რაღაც ისტერიაში, რომ რაღაც გაუგონარი ისტერია მივიღეთ," - განაცხადა ყოლბაიამ პრეზიდენტთან შეხვედრის დაწყებამდე.
მისივე განცხადებით, საქართველოს მთავრობა აქტიურად გააგრძელებს საერთაშორისო ორგანიზაციებთან და დასავლეთის ქვეყნებთან მუშაობას, რათა პარტნიორმა სახელმწიფოებმა რუსეთზე ზეწოლა გააძლიერონ.
შეგახსენებთ, დღეს, 23 იანვარს, რუსეთის დუმა ოკუპირებული აფხაზეთთან ხელშეკრულების რატიფიცირებას გეგმავს ოკუპირებულ აფხაზეთთან ,,მოკავშირეობისა და სტრატეგიული პარტნიორობის შესახებ" ხელშეკრულების რატიფიცირება რუსეთის დუმამ, შეასძლოა, დღეს მოახდინოს.
ამის შესახებ დუმის დეპუტატმა, დსთ-ს, ევრაზიული ინტეგრაციისა და თანამოძმეებთან კავშირის საკითხებში პროფილური კომიეტეტის თავმჯდომარემ ლეონიდ სლუცკიმ განაცხადა.
,, მიმდინარე წლის პირველივე სხდომაზე, 22 იანვარს ჩვენი კომიტეტი ხელშეკრულებას განიხილავს და 23 იანვარს პარლამენტს რატიფიცირებისთვის წარუდგენს." - აღნიშნა მან.
მისი თქმით, ხსენებულ ხელშეკრულებას რეგიონში უსაფრთხოების უზრუნველყოფის მხრივ უდიდესი მნიშვნელობა აქვს და ,,არ არის მიმართული მესამე ქვეყნის წინააღმდეგ."
