პატიმრობაში მყოფი თავდაცვის ყოფილი მინისტრის ბაჩოა ახალაიას მეუღლის ანი ნადარეიშვილის განმარტებით, იგეგმება ახალაიასთავის ახალი ბრალის წარდგენა. როგორც საკითხის კომენტირებისას ჟურნალისტებთან ანი ნადარეიშვილმა განაცხადა ახალი ბრალს გრიფით საიდუმლო დაედება და სასამართლო პროცესები დაიხურება.
"ისინი აპირებენ ბაჩოს წაყენონ ახალი ბრალი, რომელიც იქნება საიდუმლო გრიფით და აქედან გამომდინარე ისინი აპირებენ დახურონ სასამართლო პროცესი. სწორედ ეს არის მათი მთავარი ამოცანა, სასამართლო პროცესი არ იყოს საჯარო, რადგან ხალხმა ვერ გაიგოს სიმართლე. ამ ორი წლის განმავლობაში, პროცესების საჯაროობით ხალხმა დაინახა, რომ ბაჩო არის უდანაშაულო, იგი ორი წელიწადი წინასწარ პატიმრობაში იჯდა, ისე რომ მას მსჯავრი არ ქონდა. აქედან გამომდინარე მე ვთხოვ ყველა არასამთავრობო ორგანიზაციას, საზოგადოებას რომ ყველაფერი გააკეთონ იმისათვის, პროცესები იყოს საჯარო ვინაიდან პროცესებს ესწრებიან არა მარტო ჟურნალისტები არამედ მონიტორებიც, რომლებიც თავიანთ ანგარიშში ასახავენ ყველა იმ დარღვევას, რაც სასამართლო პროცესზე ხდება", _განაცხადა ნადარეიშვილმა.
