თბილისში, რუსთაველის #37-ში გაჩენილმა ხანძარმა ე.წ. კაზარიანცის სახლის დიდი ნაწილი გაანადგურა.
არსებული ინფორმაციით, დამწვარია, დაახლოებით, 300 კვადრატული მეტრის ფართთი.
შემთხვევის დროს, შენობაში ერთი ოჯახი იმყოფებოდა, რომლის ევაკუაციაც დროულად განხორციელდა.
ხანძრის შედეგად დაიწვა შენობის სახურავი და რამდენიმე სართული.
განადგურდა ხელოვნების სკოლაც, რომელიც შენობის მესამე სართულზე მდებარეობდა.
ხანძრის შედეგად დაზარალდნენ ასევე ნაგებობის პირველ სართულზე მდებარე კომერციული ფართების მეპატრონეებიც.
ჯერჯერობით, უცნობია ხანძრის გამომწვევი მიზეზები, თუმცა ადგილობრივების თქმით, ხანძარი შენობას ეზოში სანაგვე ურნებთან დანთებული ცეცხლისგან გაჩნდა.
მთაწმინდის რაიონის გამგებელი მოსახლეობას დახმარებას დაჰპირდა.
მომხდართან დაკავშირებით მიმდინარეობს გამოძიება.
მასალის გამოყენების პირობები
