დღეს, 13 იანვარს 10:00 საათზე, საქართველოში ესტონეთის პრემიერ-მინისტრის, ტაავი როივასის ვიზიტის ფარგლებში, სასტუმრო "Radisson BluIveria"-ში საქართველო-ესტონეთის ბიზნეს ფორუმი გაიმართება, რომელსაც ორგანიზებას უწევენ საქართველოს ეროვნული საინვესტიციო სააგენტო და ესტონეთის სავაჭრო სამრეწველო პალატა.
აღნიშნულ ფორუმში ქართული და ესტონური მხრიდან როგორც საჯარო, ისეკერძო სექტორის120-მდეწარმომადგენელი მიიღებს მონაწილეობას. ბიზნეს ფორუმზე საქართველოს ეკონომიკის ძირითად მიმართულებებზე (სოფლის მეურნეობა, ტურიზმი, ენერგეტიკა, ტრანსპორტი და ლოგისტიკა) კონცენტრირებული რამდენიმე პრეზენტაცია იქნება წარმოდგენილი. ფორუმის მომხსენებლები იქნებიან საქართველოსსაჯარო და კერძო სექტორების მაღალი რანგის წარმომადგენლები და მასში მონაწილეობას მიიღებენ საქართველოში ვიზიტად მყოფი მსხვილი ლატვიური კომპანიების ხელმძღვანელი პირები. ფორუმის ფარგლებში სტუმრებს სიტყვით მიმართავენ საქართველოს პრემიერ-მინისტრი, ირაკლი ღარიბაშვილი და ესტონეთის პრემიერ-მინისტრი, ტაავი როივასი.
ღონისძიების ფარგლებში ასევე დაგეგმილია საქართველოს სავაჭრო სამრეწველო პალატასა (GCCI) და ესტონეთის სავაჭრო სამრეწველო პალატას (ECCI) შორის ურთიერთგაგების მემორანდუმის ხელმოწერა.
