,,ვარდების მოედნიდან" საშობაო ალილოს მსვლელობა დაიწყო. ღონისძიებას თეატრალური სახე აქვს.
მსვლელობას სტიქრის ფორმაში გამოწყობილი ბავშვები მიუძღვებიან, მათ კი მწყემსები და სასულიერო პირები მიჰყვებიან.
მეალილოვეები პარლამენტის ყოფილ შენობასთან გაჩერდებიან, სადაც დეპუტატები საშობაო საჩუქრებს გადასცემენ. მელილოვეებს საშობაო საჩუქრებს საკრებულოს წევრებიც გადასცემენ.
კონკასთან მონაწილეთა ერთი ჯგუფი საპატრიარქოში გადავა, სადაც მათ სრულიად საქართველოს კათოლიკოს-პატრიარქი შეხვდება და ალილოსთვის ტკბილეულს გადასცემს.
შემდეგ მსვლელობა ბარათაშვილის ხიდით ბარათაშვილის ქუჩაზე გაგრძელდება, და შობის მახარობლების ნაწილი პრეზიდენტის სასახლისკენ გადაინაცვლებს, სადაც მათ ტკბილეულს პრეზიდენტი გადასცემს.
ალილოს მსვლელობა ტრადიცილად ყოვლადწმინდა სამების ტაძარში დასრულდება, სადაც სასულიერო პირები პარაკლისს გადაიხდიან.
ალილოში მონაწილეებს გზადაგზა მოსახლეობა ტკბილეულსა და საჩუქრებს გადასცემს.
ყოვლადწმინდა სამებაში მიტანილი შემოწირულობები 8-9 იანვარს დახარისხდება და 10 იანვარს ბავშვთა სახლებსა და უმწეოთა თავშესაფრებში გადანაწილდება.
