შსს-ს სასაზღვრო პოლიციის სანაპირო დაცვის დეპარტამენტიდან შემოსული შეტყობინების საფუძველზე, საგამოძიებო-ოპერატიული მთავარი სამმართველოს დასავლეთის ოპერატიული სამსახურის თანამშრომლებმა, კუკის კუნძულების დროშით მცურავი მშრალტვირთმზიდი გემი „UTA" ნაოსნობის წესების დარღვევის ფაქტზე (ნავსადგურში შემოსვლის დროს მოძრაობის გამყოფ დასავლეთ ზონაში არ მოძრაობდა მარჯვენა მხარეს დადგენილი მიმართულებით და გადაკვეთა მოძრაობის გამყოფი დასავლეთი ზონა) დააკავეს.
აღნიშნული გემის კაპიტნის მიმართ ნაოსნობის წესების დარღვევის ფაქტზე დაიწყო საქმისწარმოება საქართველოს ადმინისტრაციულ სამართალდარღვევათა კოდექსის 114-ე პრიმა-1-ელი მუხლის პირველი ნაწილით.
გემის კაპიტანს ბიუჯეტის სასარგებლოდ დაეკისრა ჯარიმა - 50 000 ლარის ოდენობით. ჯარიმის გადახდის შემდეგ გემს თავისუფალი ნაოსნობის უფლება მიეცა.
