კუდ-ის ყოფილი მაღალჩინოსანი ოლეგ მელნიკოვი პატიმრობიდან გათავისუფდა. ამის შესახებ, ინფორმაცია ,,ჯი-ეიჩ-ენს" მისმა ადვოკატმა ვარლამ ბალხამიშვილმა დაუდასტურა.
,,დიხ, გიდასტურებთ ოლეგ მელნიკოვი პატიმრობიდან გათავისულდა, მაგრამ ზუსტად არ მახსოვს 5, ან 6 დეკემბერს", _აცხადებს მელნიკოვის ადვოკატი.
ადვოკატის განცხადებით, მისი დაცვის ქვეშ მყოფი ოჯახთან ერთად საქართველოში იმყოფება.
შსს-ის ყოფილი მაღალჩინოსანი ოლეგ მელნიკოვი, 2012 წლის 7 დეკემბერს, უკრაინელმა სამართალდამცველებმა კიევში დააკავეს. ამ დროისთვის მას საქართველოში წინასწარი პატიმრობა ჰქონდა შეფარდებული.
მელნიკოვის საქართველოში ექსტრადირება 21 სექტემბერს განხორციოელდა. მას ბრალი ორი სისხლის სამართლის საქმეზე აქვს წარდგენილი: სანდრო გირგვლიანის მკვლელობის საქმეზე, ხოლო მეორე ბრალი 2005 წელს ე.წ. მოდულის შენობაში 3 პოლიციელის ცემის საქმეზე აქვს წაყენებული.
მელნიკოვი თავდაპირველად დანაშულს არ აღიარებდა, თუმცა მოგვაინებით ბრალდება მელნიკოვმა აღიარა, რის სანაცვლოდაც მას პროკურატურამ საპროცესო შეთანხმება გაუფორმა.
მასალის გამოყენების პირობები
