საქართველოს მთავარმა პროკურატურამ მიხეილ სააკაშვილზე ძებნის გამოცხადების თხოვნით ინტერპოლს მიმართა, - ამის შესახებ მთავარი პროკურორის მოადგილემ, ირაკლი შოთაძემ ჟურნალისტებთან საუბრისას განაცხადა. მისი თქმით, ინტერპოლის გადაწყვეტილების შესახებ პროკურატურას პასუხი ჯერჯერობით არ მიუღია.
"ინტერპოლს შესაბამისი გადაწყვეტილება მიღებული არ აქვს",-განაცხადა შოთაძემ.
საქართველოს ექს-პრეზიდენტს მიხეილ სააკაშვილზე ქვეყნის შიგნით ძებნა უკვე გამოცხადებულია.
