პრეზიდენტის ყოფილი რწმუნებულის ემზარ კვიციანის ადვოკატი რევაზ კახნიაური ,,ჯი-ეიჩ-ენთან" საუბარში აცხადებს, რომ იმ შემთხვევაში თუ ქვეყნის შიგნით მათი სარჩელი არ დაკმაყოფილდება ევროსასამართლოსთვის მიმართვას გეგმავენ.
,,ევროსასმართლოსთვის მიმართვა არ შეიძლება თუ ქვეყნის შიგნით სასამართლოს ყველა ინსტანციას არ მოვივლი, ამიტომ გავდივართ შესაბამის პროცედურებს", _განაცხადა რევაზ კახნიაურმა.
შეგახსენებთ, რომ ზუგდიდის რაიონულმა სასამართლომა ემზარ კვიციანს 12 წლიანი პატიმრობა შეუფარდა.
ემზარ კვიციანი დამნაშავედ სცნეს უკანონო გასამხედროებული ჯგუფის შექმნასა და 2006 წელს კოდორის ხეობაში ამბოხის მოწყობაში. მსჯავრდებული ბრალდებებს უარყოფს.
