გაზეთ "კომერსანტისათვის" მიცემულ ინტერვიუში მინისტრი ასევე აცხადებს, რომ მმართველი პარტიის რეიტინგი დიდია, "მეტიც მსოფლიოში ცოტაა ისეთი ქვეყანა, სადაც მმართველი პარტიის რეიტინგი დედაქალაქში 64 % იყოს".

"და ეს ხდება არა მხოლოდ იმიტომ, რომ ჩვენ კარგები ვართ, არამედ იმიტომაც, რომ ოპოზიციამ უკვე კარგად დაანახა ყველას თუ რას წარმოადგენს იგი", _ აცხადებს მერაბიშვილი და ხელისუფლების ასეთი წარმატების მიზეზად პირველ რიგში რეფორმების წარმატებით განხორციელებას ასახელებს.

"ქალაქის ახლანდელ მერს გიგი უგულავას 64 % რეიტინგი აქვს, მეორე კანდიდატს _ ალასანიას 9 %, მესამე _ თოფაძეს 6 % ხოლო გაჩეჩილაძეს კი 2, 6 %. თუმცა ოპოზიციას სხვა ციფრები აქვს", _ აცხადებს მინისტრი და რუსი ჟურნალისტის კითხვაზე, როგორ შეიძლება გაჩეჩილაძეს ასეთი დაბალი რეიტინგი ჰქონდეს მაშინ როდესაც 2008 წლის იანვარში მან თბილისის მასშტაბით სააკაშვილს საპრეზიდენტო არჩევნები მოუგო, მინისტრი ასე პასუხობს: "ყველაფერი ხდება, იუშჩენკომ მაგალითად 5 წლის წინანდელი მყარი გამარჯვების შემდეგ ახლა მხოლოდ ხმათა 5 %-ის შეგროვება შეძლო".