2010 წლიდან ჩრდილო კავკასიაში არსებული სააჯარისო დანაყოფები და ნაწილები კონტრაქტით მომსახურე სამხედროების გარდა სავალდებულო სამხედრო სამსახურის წვევამდელებით დაკომპლექტდება. ინფორმაციას ამის შესახებ "ნეზავისიმაია გაზეტა" ავრცელებს რუსეთის შეიარაღებული ძალების გენერალურ შტაბში არსებულ წყაროზე დაყრდნობით ავრცელებს.
როგორც ცნობილი ხდება კონტრაქტით მომსახურეთა კვოტა ჩრდილო კავკასიაში მნიშვნელოვნად მცირდება. რუსული მედია ასევე ხაზგასმით აღნიშნავს, რომ რუსეთის თავდაცვის სამინისტროს წარმომადგენლებს ადრე არაერთგზის განუცხადებიათ, რომ წვევამდელებს ცხელ წერტილებში არ გააგზავნიან.
წყაროს ინფორმაციით, წვევამდელების პირველი ჯგუფები, რომლებმაც სამხედრო კურსი უკვე გაიარე ჩრდილოეთისაკენ უკვე მიემართებიან, მათ შორის, სამ მოტომსროლელ ბრიგადაში ჩეჩნეთშიც.
ამასთან ერთად, რუსეთის თავდაცვის სამინისტროში უკვე განაცხადეს, რომ ჩეჩნეთში წვევამდელებს არ გააგზავნიან. "თავდაცვის სამინისტრო არც გეგმავდა და არც გეგმავს წვევამდელთა რიგებით ჩეჩნეთის რესპუბლიკაში მდგარი სამხედრო ნაწილების გაძლიერებას", _ აცხადებს თავდაცვის სამინისტროს პრესსამსახურისა და ინფორმაციის სამმართველოს უფროსი ალექსეი კუზნეცოვი და დასძენს, რომ "ამის არავითარი აუცილებლობა არ არსებობს.
ამასთან ერთად კუზნეცოვი არაფერს ამბობს წვევამდელთა შესაძლო გაგზავნაზე სხვა ჩრდილოკავკასიურ რესპუბლიკებში.
აღსანიშნავია, რომ ბოლოს იმის შესახებ, რომ წვევამდელებს ჩრდილო კავკასიაში არ გააგზავნიან განცხადება რუსეთის გენშტაბის უფროსმა ნიკოლაი მაკაროვმა გააკეთა "როსიისკაია გაზეტასთან" საუბრისას.
თუმცა, ასევე "ნეზავისიმაია გაზეტა" აღნიშნავს, რომ ახლახანს ტელეკომპანია "ღუსსია თოდაყ"-სათვის მიცემულ ინტერვიუში იგივე მაკაროვმა განაცხადა, რომ გაწვევა გაიზრდება, ხოლო კონტრაქტის საფუძველზე მომსახურეთა რაოდენობა შემცირდება. მაკაროვმა განაცხადა, რომ გენშტაბში გადაწყვიტეს ძირეულად შეეცვალათ კონტრაქტით მომსახურე სამხედროების მომზადების სისტემა, ამიტომაც ახლა კონტრაქტზე სასწავლებლად მხოლოდ სერჟანტებს იღებენ. ასეთი განცხადება, გაზეთის აზრით, მოწმობს მხოლოდ იმას, რომ ე.წ. კონტრაქტნიკების დეფიციტის ხარჯზე წვევამდელებს ჩრდილო კავკასიაში გააგზავნიან.
გაზეთის ინფორმაციით, შესაბამისი ბრძანება თავდაცვის მინისტრს უკვე ხელმოწერილი აქვს. საუბარი მიდის ტერიტორიაზე სადაც რეგულარულად მიმდინარეობს კონტრტერორისტული ოპერაციები _ დაღესტანი, ინგუშეთი და ჩეჩნეთი.