ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი სამუშაო ვიზიტით ფინეთში, ქ.ჰელსინკში გაემგზავრა, სადაც დაგეგმილია ორმხრივი შეხვედრები ფინეთის საგარეო საქმეთა მინისტრთან ერკკი ტუომიომიასთან და პარლამენტის თავმჯდომარესთან ეერო ჰეინალუომასთან. ვიზიტის ფარგლებში სახელმწიფო მინისტრის სიტყვით გამოვა ეროვნულ კვლევით ცენტრში „ალექსანტერი ინსტიტუტი" (Aleksanteri Institute). ღონისძიებას ადგილობრივი და საერთაშორისო ანალიტიკური ინსტიტუტების, დიპლომატიური წრეებისა და მედიის წარმომადგენლები დაესწრებიან. ალექსი პეტრიაშვილი მონაწილეობას მიიღებს დისკუსიაში „გზა უსაფრთხოებისკენ" და შეხვედრის მონაწილეების შეკითხვებს უპასუხებს.
მასალის გამოყენების პირობები
