საგარეო საქმეთა სამინისტროში, მაია ფანჯიკიძემ გამართა შეხვედრა სომხეთის რესპუბლიკის ეროვნული კრების თავმჯდომარესთან გალუსტ საჰაკიანთან, რომელიც წარმომადგენლობით დელეგაციასთან ერთად ოფიციალური ვიზიტით იმყოფება საქართველოში.
შეხვედრისას საქართველოს საგარეო საქმეთა მინისტრმა და სომხეთის ეროვნული კრების თავმჯდომარემ დააფიქსირეს ორ ქვეყანას შორის კეთილმეზობლური ურთიერთობების შემდგომი გაღრმავების განსაკუთრებული მნიშვნელობა.
კმაყოფილებით აღინიშნა ვიზიტების ურთიერთგაცვლის აქტიური დინამიკა, როგორც დარგობრივ უწყებებს შორის, ასევე საკანონმდებლო ორგანოთა დონეზე.
საუბარი ასევე შეეხო ორმხრივი დღის წესრიგის საკითხებს. მხარეებმა დააფიქსირეს მზაობა ხელი შეუწყონ თანამშრომლობის განვითარებას საქართველოსა და სომხეთის რესპუბლიკას შორის სავაჭრო-ეკონომიკური, კულტურული, ჰუმანიტარული ურთიერთობების კიდევ უფრო განმტკიცებისათვის.
მასალის გამოყენების პირობები
