საქართველოს საგარეო საქმეთა მინისტრმა, მაია ფანჯიკიძემ 2014 წლის 26 სექტემბერს, ქ. ნიუ-იორკში, გაეროს გენერალური ასამბლეის ფარგლებში შეხვედრა გამართა ასამბლეის 69-ე სესიის პრეზიდენტთან სემ კუცერასთან.
შეხვედრაზე საუბარი შეეხო 69-ე სესიის ფარგლებში საქართველოს გეგმებსა და საქმიანობას. საქართველო გაერო-ს გენერალური ასამბლეის მიმდინარე სესიის ვიცე-თავმჯდომარეა და იგი ამ პოზიციას ერთი წლის განმალობაში დაიკავებს.
შეხვედრაზე საგარეო საქმეთა მინისტრმა ასამბლეის პრეზიდენტს ასევე მიაწოდა ინფორმაცია საქართველოს ოკუპირებულ რეგიონებში არსებულ ვითარებაზე.
