საქართველოს საგარეო საქმეთა მინისტრი მაია ფანჯიკიძე ადამიანის უფლებათა დაცვის საკითხებში გაერო-ს უმაღლეს კომისარს პრინს ზაიდს შეხვდა. პრინს ზაიდი უმაღლესი კომისარის თანამდებობას 1 სექტემბრიდან იკავებს. გაცნობითი ხასიათის შეხვედრაზე საუბარი შეეხო ადამიანის უფლებათა დაცვის სფეროში საქართველოში არსებულ ვითარებას. მინისტრმა კომისარს ინფორმაცია მიაწოდა ადამიანის უფლებების დაცვის მიმართულებით ხელისუფლების მიერ გატარებულ ღონისძიებებზე, გააცნო ადამიანის უფლებების სფეროში საქართველოს მთავრობის სტრატეგია 2014-2015 წწ.
შეხვედრაზე ადამიანის უფლებების დაცვის კუთხით ისაუბრეს ოკუპირებულ ტერიტორიებზე შექმნილ მძიმე მდგომარეობაზე, საუბარი სეეხო საოკუპაციო ხაზის გასწვრივ მავთულხლართების გავლების საკითხსა და იმ მძიმე ჰუმანიტარულ ვითარებას, რომელშიც ადგილობრივი მოსახლეობა იმყოფება.
საქართველოს საგარეო საქმეთა მინისტრმა გაეროს უმაღლესი კომისარი საქართველოში მიიწვია.
