დღეს, 25 სექტემბერს, პარლამენტის საფინანსო-საბიუჯეტო კომიტეტში ქართული ენის კონსტიტუციური სტატუსის უზრუნველყოფის შესახებ იმსჯელებენ. „სახელმწიფო ენის შესახებ" კანონპროექტი განათლების, მეცნიერებისა და კულტურის კომიტეტის მიერ საკანონმდებლო ინიციატივის წესითა წარდგენილი.
„სახელმწიფო ენის შესახებ" კანონპროექტის მიზანია საქართველოს მთელ ტერიტორიაზე ქართული ენის კონსტიტუციური სტატუსის (აფხაზეთში-აგრეთვე აფხაზური ენის სტატუსის) უზრუნველყოფა, მისი ფუნქციონირების, დაცვისა და გამოყენების სრულყოფა. ეს კანონი ვრცელდება საქართველოს მთელ ტერიტორიაზე, აგრევე საქართველოს ტერიტორიაზე მუდმივად მცხოვრებ მოქალაქეობის არმქონე პირებზე და უცხოელებზე და არ ვრცელდება პირად ურთიერთობებზე.
