დავით ჯალაღანიამ საგარეო საქმეთა სამინისტროში გერმანიის ბიზნეს-დელეგაციას უმასპინძლა. დელგაციაში ხორცისა და რძის წარმოების, სანაშენე მეცხოველეობის და მეთევზეობის სფეროების წარმომადგენლები შედიოდნენ და მათ გერმანიის ფედერალური მიწის შლეზვიგ-ჰოლშტაინის ყოფილი პრემიერ-მინისტრი ბატონი პეტერ ჰარი კარსტენზენი ხელმძღვანელობდა. როგორც ,,ჯი-ეიჩ-ენს' საგარეო უწყებიდან აცნობეს
შეხვედრაში მონაწილეობას საქართველოს სოფლის მეურნეობისა და საქართველოს ეკონომიკისა და მდგრადი განვითარების სამინისტროს წარმომადგენლებიც იღებდნენ.
საუბარი შეეხო საქართველოში სოფლის მეურნეობის სექტორში არსებულ ბიზნეს-შესაძლებლობებსა და მომავალი თანამშრომლობის პერსპექტივებს.
დელეგაციის მიზანია გაეცნოს საქართველოს სოფლის მეურნეობის შესაბამის დარგებს, შეხვდნენ მათ წარმომადგენლებს, მოინახულონ და შეაფასონ არსებული მათთვის საინტერესო წარმოებები და განსაზღვრონ მათთან მომავალი თანამშრომლობის მიმართულებები.
ბიზნესდელეგაცია საქართვერლოში 26 სექტემბრამდე დაჰყოფს და ის შეხვედრას გამართავს ასევე საქართველოს ეროვნული საინვესტიციო სააგენტოში, რომელშიც ასევე მონაწილეობას მიიღებს საქართველოს საპარტნიორო ფონდი, საქართველოს თანადაფინანსების ფონდი და სოფლის მეურნეობის პროექტების მართვის სააგენტო.
შეხვედრისას სტუმრებს მიეწოდებათ უფრო დეტალური ინფორმაცია საქართველოში საინვესტიციო გარემოსთან და ბიზნესის ოპერირებასთან დაკავშირებით, ასევე განხილული იქნება კონკრეტული საინვესტიციო შესაძლებლობები სოფლის მეურნეობის სფეროში.
ვიზიტის ფარგლებში გერმანელ ბიზნესმენებს დაგეგმილი აქვთ სხვადასხვა რეგიონში რამოდენიმე საქონლის, ღორის და თევზის ფერმის, ასევე სასაკლაოების მონახულება.
„საქართველოში ყოველი ვიზიტის დროს ვხედავ, რომ უფრო მეტი და მეტის გაკეთება შეიძლება სოფლის მეურნეობისათვის და კვების პროდუქტების წარმოებისთვის. სწორედ ამიტომ არასდროს არ არის ურიგო ჩამოვიდეთ ექსპერტები გერმანიიდან, რომლებსაც ძალიან დიდი გამოცდილება გვაქვს სხვადასხვა პროდუქტის წარმოებაში, მათ შორის ზღვის პროდუქტების წარმოებაში. ასევე მნშვნელოვანია დავსახოთ ურთიერთთანამშრომლობის გეგმებიც" განაცხადა პეტერ ჰარი კარსტენზენმა
