აჭარის უმაღლეს საბჭოში ფრაქცია "ქართული ოცნების" წევრი მედეა ვასაძე პარტიის საკუთარი ნებით დატოვებას არ გამორიცხავს. ვასაძის განმარტებით აღნიშნულის შესახებ გადაწყვეტილებას იმ შემთხვევაში მიიღებს, თუ კი აჭარის მთავრობის საქმიანობის შესწავლის შემდეგ პარტიის პოლიტსაბჭოს მიერ მიღებული საბოლოო გადაწყვეტილება მისთვს მიუღებელი იქნება.
"საყვედური მივიღე იმის გამო, რომ არ დავემორჩილე პარტიულ დისციპლინას, დავუჭირე რა მხარი უნდობლობის გამოცხადების პროცედურას. ჩვენ ვფიქრობდით, რომ პოლიტსაბჭო უფრო ხისტი იქნებოდა, ველოდით იმასაც, რომ პოლიტსაბჭო გადაწყვეტილებას გამოგვიცხადებდა და საკითხზე მსჯელობა არ იქნებოდა. დღევანდელ შეხვედრაზე მოგვეცა საშუალება, რომ კიდევ ერთხელ დაგვეფიქსირებინა ჩვენი პოზიციები და პოლიტსაბჭომ მიიღო გადაწყვეტილება, რომ რაც შეიძლება შემჭიდროებულ ვადებში შეიქმნას ჯგუფი, რომელიც საკითხს შეისწავლის. ამასთან, საკითხი მდგომარეობს იმაში, შიდა პარტიულ პროცედურას და ჩემს დასჯას მირჩევნია თუ არა დავტოვო პარტია და განვახორციელო ჩემი კონსტიტუციური უფლებამოსილება. თუკი პოლიტსაბჭოს გადაწყვეტილება იქნება მიუღებელი, ცალსახაა, რომ ვიმოქმედებ დამოუკიდებლად", - განაცხადა ვასაძემ.