,,არსებობს უამრავი სამართლებრივი არგუმენტი, რის გამოც აჭარის რეგიონული მთავრობა უნდა გადადგეს", _განაცახდა ჟურნალისტბთან პარლამენტის ვიცე-სპიკერმა მურმან დუმბაძემ.
მისივე გამარტებით, არგუმენტებს რის გამოც მიიჩნევს, რომ აჭარის მთავრობა უნდა გადადგეს კოალიცია ,,ქართული ოცნების" პოლიტსაბჭოს დღევანდელ სხდომაზე წარადგენს.
,,პრაქტიკულად, აქამდე მაქსიმალურად ვცდილობდი რომ შემენარჩუნებინა ნეიტრალური პოზიცია როგორც ცენტრალური ხელისუფლების წარმომადგენელს. აჭარის რეგიონში, აჭარის საბჭოში მთავარი წამყვანი ფრაქცია ,,ქართული ოცნება" აყენებს უნდობლობის საკითხს აჭარის რეგიონული მთავრობის მიმართ. Eეს არის კონსტიტუციური პროცესი, მაგრამ გამართული ბრიფინგების მერე აშკარად გამოჩნდა, რომ მათ ამის უფლება აქვთ", _განაცხადა ჟურნალისტებთან დუმბაძემ.
კოალიცია ,,ქართული ოცნების" ცენტრალურ ოფისში პოლიტსაბჭოს სხდომა მიმდინარეობს. როგორც ჟურნალისტებთან საპრალემნტო უმრავლესობის ლიდერმა დავით საგანელიძემ განაცხადა პოლიტსაბჭოს სხდომაზე ქვეყანაში მიმდინარე პროცესებს განიხილავენ.
,,საკითხები არის საკმაოდ მნიშვნელოვანი, შეეხება როგორც საკანონმდებლო მუშაობას, ასევე ქვეყანაში განვითარებულ მოვლენებს", _განაცხადა საგანელიძემ.
მისივე განმარტებით, პოლიტსაბჭოს სხდომაზე აჭარის უმაღლესი საბჭოს წარმომადგენლები მოწვეული არ არიან.
თუმცა კოალიცია ,,ქართული ოცნების" ცენტრალურ ოფისთან აჭარის უმაღლესი საბჭოს წარმომადგენლები მოვიდნენ, რომელიც სხდომაზე დასწრებას გეგმავენ.
შეგახსენებთ, რომ სხვა საკითებთან ერთად პოლიტსაბჭოს სხდომაზე განიხილება აჭარის უმაღლესი საბჭოს ფრაქცია „ქართული ოცნების" თვითნებური ქმედება და მიღებული იქნება შესაბამისი გადაწყვეტილება.
აჭარის უმაღლესი საბჭოს ფრაქცია „ქართული ოცნებამ" აჭარის მთავრობას უნდობლობა გამოუცხადა და მთავრობის გადადგომის მოთხოვნით ხელმოწერების შეგროვებას დაიწყო.
