საქართველოს საგარეო საქმეთა მინისტრის პირველი მოადგილე დავით ზალკალიანი კონრად ადენაუერის ფონდის სამხრეთ კავკასიის წარმომადგენლობის დირექტორს ჯანან ათილგანს შეხვდა.როგორც ,,ჯი-ეიჩ-ენს" საგარეო უწყებიდან აცნობეს შეხვედრაზე ყურადღება დაეთმო კონრად ადენაუერის ფონდის სამომავლო ინიციატივებსა და თანამშრომლობის პერსპექტივებს.
ჯანან ათილგანმა გამოხატა გერმანული ფონდის მზადყოფნა, ხელი შეუწყოს აღმოსავლეთ პარტნიორობის ქვეყნებს შორის საპარლამენტთაშორისო თანამშრომლობის შემდგომ გაღრმავებას. ამის გარდა, საუბარი შეეხო ფონდის შესაძლო მონაწილეობას საქართველოს ნატო-სთან დაახლოების პროცესისადმი, საზოგადოების ინფორმირებულობის გაზრდის საქმეში.
საქართველოს საგარეო საქმეთა მინისტრის პირველი მოადგილე მიესალმა კონრად ადენაუერის ფონდის ინიციატივებს და დაადასტურა შემდგომი თანამშრომლობისთვის ქართული მხარის მზადყოფნა.
