პრეზიდენტი გიორგი მარგველაშვილი გაეროს გენერალურ ასამბლეაზე გაემგზავრება. ამის შესახებ, პრეზიდენტმა მარგველაშვილმა ,, რუსთავი-2"-თან ინტერვიუში განაცხადა და აღნიშნა, რომ არსებობს კომუნიკაციის პრობლემა, თუმცა ეს ბუნებრივია.
,,კომუნიკაციაში არის რაღაც სირთულეები, მაგრამ ეს ბუნებრივია, არის ახალი კონსტიტუციაა და ხდება მისი მოთელვა. ხდება ასე ვთქვათ როლების მოთელვა, ეს ნორმალურია. Mმაგრამ საქართველოს პრეზიდენტი წავა და იქნება ამერიკაში", _განაცხადა მარგველაშვილმა.
ამასთან პრეზიდენტმა პრემიერ-მინისტრს ამერიკაში ვიზიტისას წარმატება უსურვა.
,,დარწმუნებული ვარ, რომ პრემიერ-მინისტრი და მისი აღმასრულებელი გუნდი ეფექტურად იმუშავებს, მაგრამ ეს არ ნიშნავს იმას, რომ პრეზიდენტს ინსტიტუტის უფლებამოსილებები შევკვეცოთ", _ განაცხადა პრეზიდენტმა.
