საგარეო საქმეთა მინისტრის მოადგილე დავით ზალკალიანი პოლიტიკური ოპონენტების ბრალდებებს ნატოს მინისტერიალზე მიღებული კომინიკეს 31- მუხლთან დაკავშირებით არ იზიარებს და აცხადებს, რომ იგი დამაზიანებელი არაა საქართველოსთვის. როგორც ზალკალიანმა თემის კომენტირებისას ორშაბათის ტრადიციულ ბრიფინგზე განმარტა კომუნიკეში გაწერილი ყველა ასპექტი სწორადაა მიღებული და ის ჩვენს ქვეყანას ზიანს არ მოუტანს.
,,კატეგორიულად არ ვიზიარებ ჩვენი ოპონენტების მოსაზრებას იმასთან დაკავშირებით, თითქოს, კომუნიკეს 31-ე მუხლი არის დამაზიანებელი საქართველოსთვის. Aამის შესახებ, განცხადება ჯეიმს აპატირაიმაც გააკეთა. კომუნიკეში საუბარია ოკუპირებულ ტერიტორიაზე მცხოვრებ მოქალაქეებზე რომელთაც საშუალება არ აქვთ თავისუფალი გადაადგილებს, სწორედ ეს იყო ამ კონტექსტში ჩადებული და აპატურაიმ, მე მგონი, ძალიან სწორად განმარტა", _განაცხადა ზალკალიანმა.
შეგახსენებთ, რომ ელსის სამიტის კომუნიკეს 31-ე პუნქტში მითითებულია: "კონფლიქტების არსებობა განსაკუთრებული შეშფოთების საგანს წარმოადგენს, რადგანაც ზიანს აყენებს რეგიონის მოქალაქების შესაძლებლობას მიაღწიონ ევრო-ატლანტიკური საზოგადოების სრულ წევრობას" - ნათქვამია დეკლარაციაში.
