საქართველოს პრეზიდენტმა გიორგი მარგველაშვილმა ნატოს სამიტის ფარგლებში შეხვედრა ლატვიის რესპუბლიკის პრეზიდენტთან ანდრის ბერზინშისთან გამართა
შეხვედრისას მხარეებმა ქვეყნებს შორის არსებული ორმხრივი ურთიერთობის საკითხები განიხილეს. საუბარი შეეხო რეგიონში არსებულ ვითარებას, კერძოდ, უკრაინის კრიზისს. პრეზიდენტებმა რეგიონში უსაფრთხოების მნიშვნელობაზეც გაამახვილეს ყურადღება.
შეხვედრისას ასევე ისაუბრეს ლატვიის პრეზიდენტის ანდრის ბერზინშის ვიზიტზე, რომელიც საქართველოს ნოემბერში ეწვევა.
