ჩვენ გადავწყვიტეთ წამოვაყენოთ პარტნიორი სახელმწიფოების თავდაცვითი შესაძლებლობების განვითარების ინიციატივა, რათა მათ მიმართ ჩვენი ვალდებულებები კიდევ უფრო გავაძლიეროთ და დავეხმაროთ ალიანსს შეინარჩუნოს წამოწყებულ საქმეში სტაბილურობა. ეს ეფუძნება ჩვენს ხელთ არსებულ ფართო გამოცდილებას, რომელიც დავაგროვეთ თავდაცვისა და უსაფრთხოების რეფორმირების სფეროში პარტნიორი სახელმწიფოების მიმართ ჩვენს მიერ გაწეული მხარდაჭერის, კონსულტაციებისა და დახმარების გზით.
შევთანხმდით, რომ აღნიშნულ ინიციატივაში ჩავრთოთ საქართველო, მოლდოვა და იორდანია. არსებობს პარტნიორი ქვეყნების ერთი ჯგუფი, რომლებსაც განსაკთრებული ურთიერთობა აქვთ ნატოსთან და რომლებიც მიისწრაფვიან ალიანსის წევრობისკენ. ამიტომაც, გადავწყვიტეთ მივანიჭოთ საქართველოს გაძლიერებული თანამშრომლობის პაკეტი, რაც დაეხმარება ქვეყანას უკეთესად მოემზადოს ნატოში ინტეგრაციისთვის.
თავად ის ფაქტი, რომ საქართველო მონაწილეობს იმ 5 ქვეყნისგან შემდგარ ჯგუფში, რომელთაც სურთ გაზარდონ საკუთარი თავდაცვითი შესაძლებლობები, მიუთითებს იმაზე, ნატო აღიარებს საქართველოს მიერ მიღწეულ პროეგრესს. საქართველოს სურს კიდევ უფრო გააღრმავოს და გააუმჯობესოს ნატოს ძალებთან თანამშრომლობის შესაძლებლობები. ამ მიმართულებით საქართველომ საკმაო პროგრესს მიაღწია, მაგრამ გასაკეთებელი კიდევ ბევრია. მოხარული ვარ, რომ საქართველომ მიიღო მოწვევა შეუერთდეს იმ ქვეყნებისაგან შემდგარ ჯგუფს, რომელთაც ნატოსთან განსაკუთრებით მჭიდრო თანამშრომლობა სურთ. ჩვენ ვაღიარებთ საქართველოს მიერ მიღწეულ პროგრესს და ასევე მინდა აღვნიშნო, რომ საქართელოს მონაწილეობა ამ ჯგუფში დაეხმარება მას გააღრმავოს სამხედრო თანამშრომლობა ნატოსთან.

ოხ ბმული: https://www.youtube.com/watch?v=R3CpV6OXHTc