ეროვნულ-დემოკრატიული ინსტიტუტის კვლევის შედგების მიხედვით, საქართველოს პრეზიდენტის, გიორგი მარგველაშვილის მოწონების რეიტინგი 2%-ით გაიზარდა, ყოფილი პრემიერ-მინისტრის ბიძინა ივანიშვილის კი 6 %-ით შემცირდა
შედგების მიხედვით მარგველაშვილი გამოკითხულთა 48%-ს მოსწონს, ხოლო ივანიშვილი - 45%-ს.
აპრილში ჩატარებული კვლევის შედეგების მიხედვით, კვლევაში მონაწილეთა 46%-ს მოსწონდა გიორგი მარგველაშვილი, ხოლო 51%-ს ივანიშვილი.
NDI-ის კვლევის საველე სამუშაოები ჩატარდა 23 ივლისიდან 7 აგვისტოს პერიოდში, საქართველოს მასშტაბით 3,338 პირისპირ ინტერვიუს წარმომადგელობითი შერჩევის საფუძველზე. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC საქართველო.
