რუმინეთი არ აღიარებს ე.წ. საპრეზიდენტო არჩევნებს, რომელიც ჩატარდა საქართველოს სეპარატისტულ რეგიონში აფხაზეთში 2014 წლის 24 აგვისტოს.
ამას გარდა, რუმინეთის ხელისუფლება არ აღიარებს იმ კონსტიტუციურ და სამართლებრივ მდგომარეობას, რა პირობებშიც ჩატარდა ეს არჩევნები და აფასებს მათ, როგორც არალეგიტიმურს და პოლიტიკური და სამართლებრივი ძალის არმქონედ.
საგარეო საქმეთა სამინისტრო გამოხატავს შეშფოთებას იმ პოტენციურ რისკთან დაკავშირებით, რომელიც შეიძლება შეუქმნას რეგიონის სტაბილურობას ე.წ. არჩევნების პროვოკაციულად და ცალმხრივად ორგანიზებამ, რომლის მიზანია ნორმალურად და სამართლებრივად წარმოაჩინოს არსებული ვითარება და ყოფილ საბჭოთა სივრცეში არსებულ სეპარატისტულ რეჟიმების ლეგიტიმური იერსახე მისცეს.
ამ კონტექსტში, საგარეო საქმეთა სამინისტრო კიდევ ერთხელ ადასტურებს რუმინეთის პრინციპულ პოზიციას, რომელიც მხარს უჭერს საქართველოს გაჭიანურებული კონფლიქტების მშვიდობიანი გზით, მოლაპარაკებების მეშვეობით გადაწყვეტას, საქართველოს სუვერენიტეტისა და ტერიტორიული მთლიანობის პატივისცემით, მის საერთაშორისოდ აღიარებული საზღვრების ფარგლებში.
