საქართველოს პრეზიდენტმა მწუხარება გამოთქვა ლუგანსკში ლიტვის საპატიო კონსულის მკვლელობის გამო. აღნიშნულთან დაკავშირებით პრეზიდენტის ადმინისტრაციამ განცხადება გაავრცელა, რომელსაც გთავაზობთ უცვლელად:
"შემძრა გუშინ მომხდარმა საზარელმა ფაქტმა ლუგანსკში უკანონო შეიარაღებული ფორმირებების მიერ ლიტვის საპატიო კონსულის გატაცებისა და სასტიკი მკვლელობის შესახებ.
მინდა ხაზგასმით განვაცხადო, რომ საქართველო მკაცრად გმობს ტერორის ნებისმიერ გამოვლინებას და მთელ პროგრესულ სამყაროსთან ერთად აგრძელებს ბრძოლას ამ 21-ე საუკუნის ყველაზე საშიში და ანტიჰუმანური მოვლენის წინააღმდეგ.
ქართველი ხალხისა და პირადად ჩემი სახელით გულწრფელ სამძიმარს და თანაგრძნობას ვუცხადებ მიკოლა ზელენიჩის ოჯახსა და ახლობლებს", - ნათქვამია პრეზიდენტის სამძიმრის წერილში.
