ევროპაში ნატოს გაერთიანებული შეიარაღებული ძალების მთავარსარდალი გენერეალი ფილიპ ბრიდლავი, ალიანის წევრ ქვეყნებს რუსეთის მიერ აღმოსავლეთ ევროპის ქვეყნებში უკრაინის სცენარის გამეორების საშიშროების შესახებ აფრთხილებს. შესაბამისი განცხადება გენერალმა გამოცემა Welt am Sonntag-თან გააკეთა.
გენერალმა განაცხადა, რომ რუსეთი ახდენს ომის ახალი ტიპის დემონსტრირებას.
მისი თქმით, ყველაზე მთავარია, რომ ნატოს ქვეყნები მზად აღმოჩნდნენ „მწვანე კაცუნების" ქმედებებისთვის, რომლებიც „შიგნიდან" ცდილობენ ვითარების არევას, ადმიანისტრაციული შენობების ხელში ჩაგდებას, ეწევიან პროპაგანდისტულ საქმიანობას და საზოგადოების გახლეჩვას.
გენერალმა აღნიშნა, რომ ნატოს წესდების მე-5 მუხლი ითალისწინებს კოლექტიურ თავდაცვას მესამე სახელმწიფოს მხრიდან აგრესიის შემთხვევაში.
„ამიტომაც ჩვენ უნდა შევიმუშავოთ შინა, ეროვნული სცენარი ასეთი ქმედებების იდენტიფიცირებისა და დაძლევისთვის", - განაცხადა გენერალმა.
მან ასევე აღნიშნა, რომ უკრაინის წინააღმდეგ რუსეთის აგერსიის მიუხედავად, მიმდინარე ეტაპზე ნატოს წევრ არც ერთ სახელმწიფოს არ სურს კონფლიქტში სამხედრო ჩარევა.
