ჰოლივუდის ცნობილი მსახიობი რობინ უილიამსი კალიფორნიაში, საკუთარ სახლში გარდაცვლილი იპოვეს. ამის შესახებ BBC იუწყება.სამართალდამცველები ამ დროისთვის თვითმკვლელობის ვერსიას განიხილავენ.
"ამ ეტაპზე სამართალდამცველები ვარაუდობენ, რომ სიკვდილის მიზეზი ასფიქსია გახდა. თუმცა, საბოლოო დასკვნა გამოძიების შემდეგ გახდება ცნობილი",-აცხადებენ სამართალდამცველები.
მიმდინარე წლის ივლისში ჟურნალისტები წერდნენ, რომ რობინ უილიამსი ნარკოტიკებზე და ალკოჰოლური დამოკიდებულების პროგრამის ფარგლებში, სპეციალურ კლინიკაში მკურნალობდა. ამბობდნენ იმასაც, რომ მსახიობი დეპრესიაში იყო.
63 წლის მსახიობი ოსკარისა და რამდენიმე "ოქროს გლობუსის" მფლობელი იყო.
