მოსკოვის მეტროპოლიტენში მომხდარ აფეთქებების შედეგად დაშავებულია 62 ადამიანი. ინფორმაციას ამის შესახებ რუსეთის ფედერაციის ჯანდაცვის სამინისტრო ავრცელებს.
აქამდე რუსეთის საგანგებო სიტუაციათა სამმართველო 49 დაშავებულზე ავრცელებდა ინფორმაციას.
"სულ აფეთქების ადგილებიდან ევაკუირებულია 62 ადამიანი. მეტროსადგურ "ლუბიანკიდან" 39 დაშავებული, ხოლო მეტროსადგურ "პარკ კულტურიდან" 23 დაშავებული", _ იუწყება რუსეთის ჯანდაცვის სამინისტრო.
შეგახსენებთ, რომ მოსკოვის ორ მეტროსადგურში ამ დილით მომხდარმა აფეთქებებმა, ბოლო მონაცემებით 40 მდე ადამიანის სიცოცხლე წაიღო.
მასალის გამოყენების პირობები
