დედაქალაქის ახალმა მერმა, დავით ნარმანიამ მოადგილეები წარადგინა. თბილისის მერის პირველი მოადგილის თანამდებობაზე წარდგენილია კულტურის მინისტრის ყოფილი მოადგილე ალექსანდრე მარგიშვილი, თბილისის მერის მოადგილეებად კი - ნინა ხატისკაცი, გიორგი ხელაია, გიორგი სოლომონია და ალუდა გოგლიჩიძე.
ნარმანიას განცხადებით, ყველა მათგანი პროფესიონალიზმის, მაღალი კვალიფიკაციისა და მრავალმხრივი სამუშაო გამოცდილების მიხედვით შეარჩია.
თბილისის მთავრობა დასამტკიცებლად დედაქალაქის საკრებულოს 4 აგვისტოს დილითვე გადაეგზავნება.
დედაქალაქის მერის რანგში მუშაობას დავით ნარმანია ოფიციალურად დღეს შეუდგა.
