პარლამენტის თავმჯდომარის დავით უსუფაშვილის განცხადებით, ნატოს სამიტზე უნდა იქნას მიღებული მნიშვნელოვანი გადაწყვეტილებები რომელიც გააძლიერებს საქართველოს უსაფრთხოებას.ამის შესახებ, უსუფაშვილმა ნატოს საპარლამენტო ასამბლეის პრეზიდენტ ჰიუ ბეილისთან შეხვედრის შემდეგ განცხადა.
,,ჩვენი მზერა მიპყრობილია ნატოს სამიტისკენ, რომელიც სექტემბერში უელსში გაიმართება და ჩვენი დღევანდელი მსჯელობა შეეხო სწორედ ამ ღონისძიებას. გვაქვს ურთიერთგაგება იმაში, რომ სამიტზე უნდა იქნას მიღებული მნიშვნელოვანი გადაწყვეტილებები რომელიც გააძლიერებს საქართველოს უსაფრთხოებას და რომელიც გააძლიერებს ნატოს პოზიციებს როგორც მშვიდობისა და სტაბილურობის დამცველის ჩვენს რეგიონში და არა მხოლოდ ჩვენს რეგიონში", _განაცხადა უსუფაშვილმა.
შეგახსენებთ, რომ ნატოს სამიტი 4 სექტემბერს უნდა გაიმართოს.