ბზობის დღესასწაულთან დაკავშირებით სმენადაქვეითებული ბაგა-ბაღების აღსაზრდელებმა ორგანიზაცია "დაცული მოძრაობისგან" საჩუქრები მიიღეს.
ორგანიზაციის ხელმძღვანელმა დავით მესხიშვილმა დაწესებულებაში საკვები და პირველადი მოხმარების ნივთები მიიტანა.
"ამით "დაცული მოძრაობა" მიუსაფარ ბავშვთა დაწესებულებების დახმარების შესახებ დედაქალაქის მთავრობის ინიციატივას შეუერთდა", - განაცხადა მესხიშვილმა.
მისივე განმარტებით, აღნიშნული აქციის გარდა, ასოციაციამ მიიღო გადაწყვეტილება, აღნიშნული ტიპის ბაგა-ბაღებს საჭიროების შემთხვევაში, სრულიად უანგაროდ სამარშრუტო ტაქსები მოემსახუროს.
