რუსეთის პრეზიდენტმა ვლადიმერ პუტინმა ხელი მოაწერა კანონს, რომლის მიხედვითაც რუსეთის მიერ ანექსირებულ ყირიმში აზარტული თამაშების ზონა ცხადდება.
კრემლის პრესსამსახურის მიერ გავრცელებული ინფორმაციით, „აზარტული სათამაშო ზონები ცხადდება რუსეთის ფედერაციის სუბიექტების შემდეგ ტერიტორიებზე: რესპუბლიკა ყირიმი, ალტაის მხარე, კრასნოდარის მხარე, პრიმორსკის მხარე, კალინინგრადის ოლქი",_ ნათქვამია გავრცელებულ ინფორმაციაში.
კანონი ძალაში მისი გამოქვეყნებისთანავე შედის.
აღსანიშნავია, რომ 10 ივნისს რუსეთის დუმამ მიიღო კანონპროექტი ყირიმში აზარტული სათამაშო ზონის შექმნის შესახებ.
რუსული მედიის ინფორმაციით, აზარტული სათამაშო ზონის შექმნა ყირიმში ხელს შეუწყობს დამატებითი ინვესტიციების მოზიდვას რეგიონში, ახალი სამუშაო ადგილების შექმნას და რეგიონალური ბიუჯეტის შევსებას.
