კოალიცია ,,ქართული ოცნების" წევრის ლევან ბერძენიშვილის განცხადებით, მინისტრთა კაბინეტის შემადგენლობაში ცვლილებები ჩვეულებრივი პროცესია და aმაში გასაკვირი არაფერია. როგორც ჟურნალისტებთან ბერძენიშვილმა საკითხის კომენტირებისას განაცხადა მნიშვნელოვანია, რომ მთავრობის შემადგენლობაში სკანდალური მოხსნები არ არის.
,,საკმაოდ დიდხანს გაძლო მინისტრთა კაბინეტმა ცვლილებების გარეშე, მაგრამ ცვლილებები აუცილებელი და ჩვეულებრივი პროცესია ნებისმიერი ქვეყნის მთავრობისთვის. მითუმეტეს, რომ იყო სხვა პრემიერ-მინისტრი და ახლა არის სხვა, რომელსაც თავისი სტილი და ხედვა აქვს. გასაგებია, რომ ასეთი ცვლილებები შეიძლება იყოს. საინტერესოა, რომ ორი მინისტრი გადაადგილდა, ჩვეულებრივი პროცესია ესეც", - აღნიშნა ლევან ბერძენიშვილმა.
