მთავრობის საპარლამენტო მდივნის შალვა თადუმაძის განცხადებით, მინისტრთა კაბინეტი ახალი შემადგენლობის შესახებ პრეზიდენტ გიორგი მარგველაშვილს ეცნობება, რომელიც შემდეგ ერთი კვირის ვადაში წარუდგენს პარლამენტს მთავრობის ახალ შემადგენლობას.
,,მთავრობის ახალი შემადგენლობის შესახებ ეცნობება საქართველოს პრეზიდენტს. პრეზიდენტი კი ერთი კვირის ვადაში წარდგენს პარლამენმტში მთავრობის ახალ შემადგენლობას ნდობის მოსაპოვებლად.საქართველოს პარლამენტი შვიდი დღის ვადაში ვალდებულია მთავრობისთვის ნდობის მინიჭების საკითხი განიხილოს. მთლიანობაში აღნიშნული პროცედურა არის 14-დღიანი", _განაცხადა თადუმაძემ.
მისივე განცხადებით, იმ შემთხვევაში თუ პარლამენტი მთავარობის ახალ შემადგენლობას ნდობას არ გამოცხადებს შესაბამისი პროცედურები ხელახლა დაიწყება.
,,რაც შეეხება იმას, რა მოხდება თუ პარლამენტი არ დაეთანხმება მინისტრთა კაბინეტის ახალ შემადგენლობას, ამ შემთხვევაში კანონით გათვალისწინებული ნორმები ამუშავდება. ხდება ახალი მთვარობის ფორმირება, ხდება მისი პარლამენტში წარდგენა თუ პარლამენტი ამის შემდეგ არ დაეთანხმება მთავარობის შემადგენლობას, ამის შემდეგ პრეზიდენტი იღებს გადაწყვეტილებას გაუშვას თუ არა პარლამენტი ", - განმარტა თადუმაძემ.
