პოლიტოლოგ რამაზ საყვარელიძე ,,ჯი-ეიჩ-ენთან" საუბარში აცხადებს, რომ პრემიერ-მინისტრის ირაკლი ღარიბაშვილის გადაწყვეტილება არა გაკვირვებია. როგორც საყვარელიძე აცხადებს, გასაკვირი სწორედ ის იყო, რომ ღარიბაშვილის გუნდში ამდენი ხნის განმავლობაში სამთავრობო ცვლილებები არ განხორციელებულა .
,,მოგეხსენებათ, იყო სამინისტროები, უწყებები საიდანაც პრობლემების არსებობის შესახებ ინფორმაციები გარეთ გამოდიოდა და მედიის თვალსაწიერში ხვდებოდა. პრემიერის მიერ განხორციელებული ცვლილებების შემდეგ ჩამონათვალში აღნიშნული სამინისტროებიც მოხვდნენ და საზოგადოების კრიტიკული დამოკიდებულება აისახა ამ ცვლილებებში. თუმცა სხვა საკითხია ვინ დაინიშნებიან მინისტრებსდ, როგორ გაგრძელდება პროცესები, გაუარესებისკენ, თუ უკეთესობისკენ ამას ცხოვრება აგვიჩვენებს", _განაცხადა საყვარელიძემ, რომელიც ,,ჯი-ეიჩ-ენის" შეკითხვას საჭირო იყო თუ არა სამთავრობი ცვლილებები პასუხობს:
,,მთელ რიგ ქვეყნებში,მითუმეტეს, გარდამავალ პერიოდში წელიწადში ცხრაჯერ ხდება სამთავრობო ცვლილებები. ასე რომ, სამთავრობო ცვლილებები დიდი ხანია რომ არ მომხდარა გასაკვირი ესაა და არა მინისტრების შეცვლა", _განაცხადა საყვარელიძემ.
პრემიერ-მინისტრმა ირაკლი ღარიბაშვილმა მინისტრთა კაბინეტის შემადგენლობაში პირველი საკადრო ცვლილებები განახორციელა. პრემიერმა თანამდებობიდან 7 მინისტრი გაათავისუფლა.
თანამდებობები დატოვეს:სასჯელაღსრულების მინისტრმა სოზარ სუბარმა;გარემოს დაცვის მინისტრმა ხათუა გოგალაძემ;ლტოლვილთა და განსახლების მინისტრმა დავით დარახველიძემ;რეგიონული განვითარების მინისტრმა ელგუჯა ხოკრიშვილმა, კულტურის მინისტრმა გურამ ოდიშარიამ;დიასპორის საკითხებში სახელმწიფო მინისტრმა კონსტანტინე სურგულაძემსოფლის მეურნეობის მინისტრმა შალვა ფიფიამ.
