კონსტიტუციონალისტი ვახუშტი მენაბდე ,,ჯი-ეიჩ-ენთან" საუბარში აცხადებს, საქართველოს კონსტიტუციაში ცალსახად არაა გაწერილი ნორმა თუ ვინ უნდა წარუდგინოს მთავრობის ახალი შემადგენლობა საკანონმდებლო ორგანოს დასამტკიცებლად. მისივე განცხადებით, უახლოეს დღეებში სადავო საკითხი გახდება ვინ წარუდგინოს მთავრობის შემადგენლობას პარლამენტს პრეზიდენტი, თუ პრემიერი.
,,საქართველოს კონსტიტუციის მიხედვით, მთავრობის თავდაპირველი შემადგენლობის 1/3-ის შეცვლის შემდეგ, ამ შემთხვევაში ეს არის 7 მინისტრი საჭიროა მინისტრთა კაბინეტის შემადგენლობისთვის ხელახალი ნდობის გამოცხადება. თუმცა ამ შემთხვევაში ცოტა ბუნდოვანი რეგულირება გვაქვს. კონსტიტუციის ეს მუხლი რომელიც ზემოთ გითხაირთ 2004 წლის რეფორმის შედეგია, რომელიც 2010 წელს გაუქმდა. შემდგე 2013 წელს პარლამენტმა აღნიშნული ნორმა კვლავ აღადგინა, თუმცა პატარა შეცდომა გაიპარა. 2004 წლის მოდელით, მთავრობის დაკომპლექტების საკითხში პრეზიდენტის როლი იყო გამოკვეთილი, ახლა ნაკლებად გამოკვეთილია. თუმცა გამოდის რომ კონსტიტუციაში გვაქვს ორი ნორმა:-ერთში წერია რომ მთავრობის შემადგენლობას პარლამენტს წარუდგენს პრეზიდენტი, მეორეში წერია, რომ პრემიერი. Aამიტომ უახლოეს დღეებში სადავო საკითხი გახდება ვინ უნდა წარუდგინოს მთავრობის შემადგენლობა პარლამენტს პრეზიდენტმა, თუ პრემიერმა", _განაცხადა ,,ჯი-ეიჩ-ენთან" საუბარში მენაბდემ.
მენაბდის თქმით, საკანონმდებლო ორგანოს მინისტრთა კაბინეტის ახალი შემადგენლობა ერთი კვირის განმავლობაში უნდა წარედგინოს.
პრემიერ-მინისტრმა ირაკლი ღარიბაშვილმა მინისტრთა კაბინეტის შემადგენლობაში პირველი საკადრო ცვლილებები განახორციელა. პრემიერმა თანამდებობიდან 7 მინისტრი გაათავისუფლა.
თანამდებობები დატოვეს:სასჯელაღსრულების მინისტრმა სოზარ სუბარმა;გარემოს დაცვის მინისტრმა ხათუა გოგალაძემ;ლტოლვილთა და განსახლების მინისტრმა დავით დარახველიძემ;რეგიონული განვითარების მინისტრმა ელგუჯა ხოკრიშვილმა, კულტურის მინისტრმა გურამ ოდიშარიამ;დიასპორის საკითხებში სახელმწიფო მინისტრმა კონსტანტინე სურგულაძემსოფლის მეურნეობის მინისტრმა შალვა ფიფიამ.
