შსს სასაზღვრო პოლიციის სანაპირო დაცვის დეპარტამენტის, საგამოძიებო-ოპერატიული მთავარი სამმართველოს დასავლეთის ოპერატიული განყოფილების და შავი ზღვის კონვენციური სამსახურის თანამშრომლებმა, ერთობლივად გატარებული ღონისძიებების შედეგად, ზღვის დაბინძურების ფაქტზე, (ნავთობშემცველი წყლების ზღვაში ჩაღვრა) პანამის დროშით მცურავი ტანკერი "ONYX-T"-ი დააკავეს.
აღნიშნული გემის კაპიტნის, თურქეთის მოქალაქის, მიმართ დაიწყო ადმინისტრაციული საქმისწარმოება საქართველოს ადმინისტრაციულ სამართალდარღვევათა კოდექსის 58-ე (პრიმა ორი) მუხლის VII ნაწილით და ბიუჯეტის სასარგებლოდ დაეკისრა ჯარიმა 65 000 ლარის და გარემოზე მიყენებული ზიანის ანაზღაურება 1844 ლარის ოდენობით, რომელიც მის მიერ იქნა უზრუნველყოფილი. გემს თავისუფალი ნაოსნობის უფლება მიეცა.
