დასავლეთმა უნდა გააძლიეროს სანქციები, „გაზპრომის" ალტერნატივა უნდა მოძებნონ და უკრაინას მხარი მეტად უნდა დაუჭიროს. ეს განცხადება აშშ-ს ყოფილმა სახელმწიფო მდივანმა ჰილარი კლინტონმა ამერიკული PBS-ისთვის მიცემულ ინტერვიუში გააკეთა.
მისივე თქმით, ევროპულმა ქვეყნებმა პუტინამდე უნდა მიიტანონ ის, რომ ის ძალიან შორს წავიდა უკრანის აგრესიის საკითხში და რომ ისინი არ აპირებენ ამაზე თვალის დახუჭვას.
„თუ არის დამადასტურებელი ფაქტები, რომლებიც რუსეთს ამ მოვლენასთან აკავშირებს, ამან უნდა უბიძგოს ევროპელებს გააკეთონ მეტი სამ საკითხთან მიმართებაში: პირველი - გააძლიერონ საკუთარი სანქციები, მიანიშნონ რომ ამისთვის მას პასუხისგება მოუწევს. მეორე - დაუყოვნებლივ დააჩქარონ მუშაობა „გაზპრომის" ალტერნატივის მოსაძებნად და გამოაცხადონ რომ ისინი ამას აკეთებენ. ხომ გესმით, რუსეთს თავისი ეკონომიკის დივერსიფიკაცია არ მოუხდენია. ის მაინც დღემდე დამოკიდებულია ბუნებრივ სერურსებზე - უპირველეს ყოვლისა გაზსა და ნავთობზე და მესამე - გააკეთონ მეტი ჩვენთან პარტნიორობით უკრაინელების მხარდასაჭერად",_ განახადა კლინტონმა და გააკეთა მოწოდება გაეწიოს დახმარება უკრაინას საზღვრების გამაგრების საკითხში და უკრანის არმიისათვის რესურსი გამოიყოს.
