პრემიერ-მინისტრის ირაკლი ღარიბაშვილის განცხადებით, საქართველო მაგალითია წარმატებული და დემოკრატიული რეფორმების. როგორც ღარიბაშვილმა პარალამენტში განაცხადა ქვეყანა მზადაა იყოს მშვიდობისა და თანამშრომლობის გარანტი მთელს რეგიონში.
,,დღეს უკვე სიამაყით შემიძლია ვთქვა, რომ საქართველო მაგალითია როგორც ქვეყანა, რომელმაც განახორციელა წარმატებული დემოკრატიული რეფორმები და მზად არის იყოს მშვიდობისა და თანამშრომლობის გარანტი მთელ რეგიონში", - განაცახდა ღარიბაშვილმა და აღნიშნა, ასოცირების შეთანხმების ხელმოწერით იწყება ევროინტეგრაციის პროცესის ახალი ეტაპი.
,,უკვე არერთხელ განვაცხადეთ, რომ საქართველოს ურყევი ნებაა საბოლოოდ დაიმკვიდროს ღირსეული ადგილი ევროპის ერთიან ოჯახში. ასოცირების შეთანხმების ხელმოწერით ჩვენთვის იწყება ევროინტეგრაციის პროცესის ახალი ეტაპი - საინტერესო და გამოწვევებით აღსავსე გზა ევროპისკენ, რომელიც თითოეული ჩვენგანისგან - მთავრობისგან, პოლიტიკური ძალებისა და მთელი საზოგადოებისგან - მოითხოვს დიდ ძალისხმევას, თავდადებასა და ურთიერთთანადგომას", _განაცახდა პრემიერმა.