პრემიერ-მინისტრის ირაკლი ღარიბაშვილის განცხადებით, დღევანდელი დღე არის ამაღელვებელი რადგან პარლამენტი ასოცირების ხელშეკრულების რატიფიცირებას ახდენს. როგორც ღარიბაშვილმა საკანონმდებლო ორგანოში სიტყვით გამოსვლისას განაცხადა ყველა ელოდება იმ წუთებს როცა პარლამენტი დაადასტურებს ჩვენი ხალხის ისტორიულ არჩევანს.
,, დღევანდელი დღე არის ამაღელვებელი და საზეიმო თითოეული ჩვენგანისთვის, მთელი საქართველოსთვის. დღეს საქართველოს პარლამენტმა უნდა მოახდინოს ჩვენი ქვეყნისთვის ისტორიული მნიშვნელობის დოკუმენტის ევროკავშირთან ასოცირების ხელშეკრულების რატიფიცირება. ჩვენ ყველა ველოდებით იმ წუთებს როდესაც საქართველოს პარლამენტი დაადასტურებს ჩვენი ხალხის ისტორიულ არჩევანს", _განაცხადა ღარიბაშვილმა.