დღეს, 17 ივლისს, საქართველოს სამუშაო ვიზიტით ლატვიის რესპუბლიკის საგარეო საქმეთა მინისტრი ედგარს რინკევიჩსი ეწვევა. სამუშაო ვიზიტის ფარგლებში ლატვიის საგარეო საქმეთა მინისტრი დაესწრება საქართველოს პარლამენტში საქართველო-ევროკავშირს შორის ასოცირების შესახებ შეთანხმების რატიფიკაციას. იგეგმება სხდომაზე მინისტრის სიტყვით გამოსვლა.
ვიზიტის ფარგლებში გაიმართება ედგარ რინკევიჩსის შეხვედრები საქართველოს პრემიერ-მინისტრთან, საგარეო საქმეთა მინისტრთან და ევროპულ და ევრო-ატლანტიკურ სტრუქტურებში ინტეგრაციის საკითხებში სახელმწიფო მინისტრთან. ლატვიის საგარეო უწყების ხელმძღვანელი ასევე შეხვდება საქართველოს პარლამენტის თავმჯდომარეს.
შეხვედრებზე განხილულ იქნება როგორც საქართველო-ლატვიის ორმხრივი ურთიერთობის, ისე საქართველოს ევროპული და ევრო-ატლანტიკური ინტეგრაციის საკითხები, ასოცირების შესახებ შეთანხმების იმპლემენტაციის პროცესი და რეგიონში არსებული ვითარება.
აღსანიშნავია, რომ 2015 წლის იანვრიდან ლატვია ევროკავშირის საბჭოს თავმჯდომარეობას გადაიბარებს.
